.
Cappella di Sant'Anna (Cappella Palatina)
Lumiredda chi nun s’astutatu di Giuseppe Mazzola Barreca
La reliquia di la Matri Sant’Anna, dintra l’urna d’argentu carrica d’oru chi si trova a lu casteddu di li Vintimiglia comu cosa prizziusa chiusa a grara e cu setti catinazzi, è parti di chidda chi lu surdatu chi grapìu lu pettu a Gesù Cristu, San Longinu, sarvannula di la ncaniata di l’Ottomanni contra li Cristiani, di Gerusalemmi purtau a Apt di Francia.
Ma, prima chi juncissi ccà ’n-Sicilia, passatu tempo, ddà Apt avvinni lu sècutu di la vintata di l’erietici contra l’aduratura di Gesù Cristu. Guerra aperta.
Lu Viscuvu di la cità, Auspiciu (accussì si chiamava) scantannusi necessariamenti chi la sacra reliquia di Sant’Annuzza putissi pàtiri periculu, subbitu custuduta intra ’na cascia di nucipiersicu, la fici sistimari ntra ’na cappella di la catidrali, suttaterra murata, lassannuci addumata pi signu d’amuri chi nun s’astuta mai, cu ’ddu cori chi ci chiancieva, ’na lumiredda addumata.
Finìu. A ’ddu puntu li seculi s’addurmisceru. Esattamenti passàri 630 anni chi nuddu seppi chiù di ’ddu cataminu, quannu l’Imperaturi Carlo Magnu, cummattiennu contra li ’nnimici di la religioni, si truvau a pulizziari Apt; ddà mentri si facevano li funzioni pi riconsacrari la catidrali, prisenti l’arc. Turpinu, ci fu Unu ch’era surdu e mutu, ca pighiàtu di mistiriusa fùa, si misi a gridari facennu signali nta ’ddu puntu dunn’era sippilluta la Matri di la Matri di Diu.
Chi fu? chi è? Lu populu frieva. Graputo ’ddu locu, lu mutu mmraculatu eppi la vuci e finieva e cominciava cu diri: Sant’Anna! Ccà è Sant’Anna! E Sant’Anna c’era daveru . Ma, oh maravigghia! chi autru ci truvaru? ’Dda lumiredda ancora addumata.
Vulistivi vidiri chi prièu chi ci fu? pi tutta la Francia, festa granni.
Finalmenti a nuâtri: doppu tuttu stu tempu, pi meritu di lu Conti Gugghiermu Ventimiglia (lu primu), patri di li nostri patruna di casa – nta ’na manu lu gallettu, nta ’n’autra lu cicirettu -, in canciu di fièura chi cidìu a un Duca di la Lorena, pi grazia di Diu, la sacra reliquia l’èppimu ccà: pi primu fu purtata a Jraggi ’unni stetti pi dui seculi, pua, a lu 1545 ccà a Casteddubonu.
Ma, signuri-mei, puru ccà, la bedda Matri Sant’Anna eppi ad avìri la sorti d’essiri arrubata. Un munacheddu, certamenti cu lu furticchiu sbirriniàtu, fici piniàri pi 12 anni lu paisi. Però, di quannu fu attruvata pi mmiraculu nta l’ortu di Santa Lucia ’n Palermu, chi arrìa pigghiàu postu nta lu casteddu, ntra la cappella adurnata di gioj e biddizzi: la festa di lu populu, la divuzzioni, la fidi di li casteddabunisi, cuntinuaru e cuntinuanu a essiri comu ’dda lumiredda chi nun s’astutàu, chi nun s’astuta mai!
da: "Lumiredda chi nun s’astutau" pagg. 5-7-9 – Ed. Le Madonne (Castelbuono)
La reliquia di la Matri Sant’Anna, dintra l’urna d’argentu carrica d’oru chi si trova a lu casteddu di li Vintimiglia comu cosa prizziusa chiusa a grara e cu setti catinazzi, è parti di chidda chi lu surdatu chi grapìu lu pettu a Gesù Cristu, San Longinu, sarvannula di la ncaniata di l’Ottomanni contra li Cristiani, di Gerusalemmi purtau a Apt di Francia.
Ma, prima chi juncissi ccà ’n-Sicilia, passatu tempo, ddà Apt avvinni lu sècutu di la vintata di l’erietici contra l’aduratura di Gesù Cristu. Guerra aperta.
Lu Viscuvu di la cità, Auspiciu (accussì si chiamava) scantannusi necessariamenti chi la sacra reliquia di Sant’Annuzza putissi pàtiri periculu, subbitu custuduta intra ’na cascia di nucipiersicu, la fici sistimari ntra ’na cappella di la catidrali, suttaterra murata, lassannuci addumata pi signu d’amuri chi nun s’astuta mai, cu ’ddu cori chi ci chiancieva, ’na lumiredda addumata.
Finìu. A ’ddu puntu li seculi s’addurmisceru. Esattamenti passàri 630 anni chi nuddu seppi chiù di ’ddu cataminu, quannu l’Imperaturi Carlo Magnu, cummattiennu contra li ’nnimici di la religioni, si truvau a pulizziari Apt; ddà mentri si facevano li funzioni pi riconsacrari la catidrali, prisenti l’arc. Turpinu, ci fu Unu ch’era surdu e mutu, ca pighiàtu di mistiriusa fùa, si misi a gridari facennu signali nta ’ddu puntu dunn’era sippilluta la Matri di la Matri di Diu.
Chi fu? chi è? Lu populu frieva. Graputo ’ddu locu, lu mutu mmraculatu eppi la vuci e finieva e cominciava cu diri: Sant’Anna! Ccà è Sant’Anna! E Sant’Anna c’era daveru . Ma, oh maravigghia! chi autru ci truvaru? ’Dda lumiredda ancora addumata.
Vulistivi vidiri chi prièu chi ci fu? pi tutta la Francia, festa granni.
Finalmenti a nuâtri: doppu tuttu stu tempu, pi meritu di lu Conti Gugghiermu Ventimiglia (lu primu), patri di li nostri patruna di casa – nta ’na manu lu gallettu, nta ’n’autra lu cicirettu -, in canciu di fièura chi cidìu a un Duca di la Lorena, pi grazia di Diu, la sacra reliquia l’èppimu ccà: pi primu fu purtata a Jraggi ’unni stetti pi dui seculi, pua, a lu 1545 ccà a Casteddubonu.
Ma, signuri-mei, puru ccà, la bedda Matri Sant’Anna eppi ad avìri la sorti d’essiri arrubata. Un munacheddu, certamenti cu lu furticchiu sbirriniàtu, fici piniàri pi 12 anni lu paisi. Però, di quannu fu attruvata pi mmiraculu nta l’ortu di Santa Lucia ’n Palermu, chi arrìa pigghiàu postu nta lu casteddu, ntra la cappella adurnata di gioj e biddizzi: la festa di lu populu, la divuzzioni, la fidi di li casteddabunisi, cuntinuaru e cuntinuanu a essiri comu ’dda lumiredda chi nun s’astutàu, chi nun s’astuta mai!
da: "Lumiredda chi nun s’astutau" pagg. 5-7-9 – Ed. Le Madonne (Castelbuono)
Nessun commento:
Posta un commento